Lakey lo sit > Chroniques > Oté
« Lo lou dann park mouton »
In kozman pou la route
samdi 27 novanm 2021, sanm
Médame zé Méssyé, la sossyété, koze èk mwin sé koze èk in kouyon mé sé o pyé d’lo mir k’i oi lo masson.
Mézami mi koné pa si zot i koné kozman-la, mé lé pa difissil po konprande ali. In lou dann park mouton, sa la pa son plass assiréman é si li rante la-dan kalkil zot mèm déga li lé kapabe fé. Déza zordi, i antande d’issi d’laba lo shien la rante dann park zanimo é la fé déga. Mé lo lou dann la bèrzri, dann in n’afère, in l’assossyasyon, in gouvèrnman na pwin pli pire ké sa. Anpliss kan li ariv avèk bone parol é déssidé pou nuire aou-in traïzon si zot i vé – é sa i fo méfyé.
Alé ! mi kite azot rofléshi la dsi é ni artrouv pli d’van. Sipétadyé.
