Mézami, zot i koné konm mwin, kan wi rossoi d’moune néna sak wi rossoi pars wi pé pa fèr otroman épi sak wi rossoi pars pou ou lé inplortan. An parmi sak lé inportan Macron l’akèye Lepen épi in dalon lo madam. Aparaman sé pou lèss ali mète an plass in gouvèrnman.

I paré kan sa té fini Macron, an parlann Marine Lepen noré di « sé lo male dominan » é lo dalon RN noré di, li l’avé linpréssion tienbo la bouji. La suite va prouv anou sa sansa lo kontrèr. Lo non-di lé souvan défoi pli inportan ké sak i di, mé i fo wi koné oir lé shoz bien konm k’i fo — dizon i fo gingn dékode la vérité.

Pou sak lé paré pou sign in shèk an blan avèk Marine Lepen i fo zot i oi klèr dann so zé d’bob-la. Aparaman si gouvèrnman la droite i tienbo d’boute kéktan sar pars Marine Lepen nora done son akor é si i arète toudinkou nou va konprann lo pakte é fini dann son aplikassion. In pé i di sé in passaz rolé pou pli tar…

Ki vivra véra a bon antandèr salu !

Justin