In bonpé rant nou i atann li sa fé mirak pou nou — dizon ni rèv li sava shanj nout vi é la syène an mèm tan. Pétète final de kont li ossi li panss li sava shanj noute vi donk li pé fé mirak dann bann fonkssion lo zélékssion i done ali..

Poitan li pé pa fé mirak é sa toulmoune i koné mé lo moune néna lo droi révé kansréti pandan in kanpagn éléktoral é lo mèr li-mèm li na lo droi révé pandan ké li fé son kanpagn é ké li mazine toute sak li sava fé dann son manda.

Pétète zot i panss mi yèm kanss lanbyanss kan mi di sak mi sorte di : lo mèr i pé pa fé mirak é la konstitission La franss — lo gran tèks fondamantal La répiblik — la zamé done ali pouvoir pou fèr sak ni atann dé li.

Dizon zélékssion lé fini. Dizon galman lo mèr lé anplass é avèk son konsèye li vé shanj nout vi kossa li pé fèr d’apré zot, Dabor li pé pa fé toute sak li voudré : in késtyonn larzan épi in késtyonn droi… é anpliss ké sa nou lé dann in sistèm néokolonyal i mète bonpé lanspèk dann nout marsh an avan.

A bon antandèr salu

Justin