In kozman pou la rout

« Lo méyèr zour pou plant in foré lété néna vintan, lo dézyèm méyèr zour sé zordi »

12 zwin 2019, sanm Justin

Kosa sa i vé dir ozis ? Sans prop : Mi pans i vé dir si dann in l’androi demoun la bézoin in foré é vi lo tan bann pyé d’boi i mète pou pousé noré falu zot i plant ali, lo tan bann pyé d’boi i mète a pousé, sé solon lo ka : i di vintan, é an vintan i pé fé pous in foré é an avoir bann tron konsékan. Suivan lo pyé d’boi ou i plant pétète i fo trantan, pétète kinz mé antouléka i fo lontan. Alor si ou la pa fé néna vintan, fé tout suit é dann l’avnir lo moun nora in foré. Sans figiré : Si mi kopran bien é si gouvèrné sé prévoir i fo ou i prévoi mé si ou la pa prévi i fo ou i komans tout suite. Konbien foi nou la rogrète pa avoir fé kékshoz a tan ? Mé dann in ka konmsa i fo fé mèm si ou lé an rotar. Sirtou pa abandone la parti. Alé ! Mi kite azot rofléshi la dsi é ni artrouv pli d’van. Sipétadyé !

Padport

Signaler un contenu

Inn modékri, inn ti lavi, inn komantèr ?


Témoignages - 80e année


+ Lus