Sa la pa in patoi kréol rényoné sa. Bien antandi ! Pou lo promyé bout sé bann ga la rézistans téi mark sa dsi lo mir pou invite bann rézistans pou ète diskré pangar bann z’alman épi bann kolabo itrap azot é i fé trap z’ot kamarad. Pou lo dézyèm bout l’até osi marké dsi lo mir mé lontan apré. Kosa li védir ? Li vé dir sak i vé pa antann i antann pa é sak i vé pa konprann i konprann pa. Final de kont, lé dé lé vré : lang mé tré boush sansa ou lé riskab fé trap aou é avan demoun i konpran kékshoz i fi ou i répète é ou i répète ankor é plizyèr fason. Promyé bout koméla i fo ou i méfyé sak ou i di avèk la boush épi parl pi dann téléfone… Sé konm in lète a la post. Internet la pa pli myé pars bann sèrvis sogré i pass z’ot tan pou éspyone aou. Alé ! Ni artrouv pli d’van sipétadyé !