Oté

« Lo mo sé inn, lo fason dir, in n’ot »

In kozman pou la rout

Justin / 25 zwiyé 2018

JPEG - 43.6 ko

Isi La Rényon sa sé in n’afèr ni koné bien. Pran in kozman é pronons ali diféran manyèr é zot va oir la pa ditou lo mèm zafèr. Pran in jirman !Na dé foi i vé dir solman ou lé étoné. D’ot foi, ou lé époustouflé.Défoi ankor sé kaziman pou insilt in moun.Mi koné pa si dann l’afrik-pars kozman-la i sort l’afrik- lé pa parèye ké shé nou. Mé lé posib sé oui sof ké moin lé san l’opinyon la dsi… Donk néna lo mo, lo manyèr dir, épi lo grimas i marsh avèk : in vilin grimas i pé done in mové sans pou lo kozman. In grimas i pé galman diminyé lo sans lo kozman. Alé ! Mi kite azot pou rofléshi la dsi é ni artrouv pli d’van. Sipétadyé !