La gèr lo mond soi dizan lib i mène kont lo pèp irakyin i amonte anou son véritab figir, doplizanplis.
Tortur, imiliasion, sévis, mitilasion... limanité lé ataké dann son fondeman. Nou lé obor la katastrof...!
Aromarké, la gèr la zamé amène rotsoz. Detoutan, dann toute péi, la gèr la touzour été so kortèz la dézolasion, so kortèz la soufrans, so kortèz krim kont limanité. Koman ansorte dann se désante dann lanfèr...?!
Mé la tortur sé pa sèlman lé zot i pratik. Sé inn afèr, malérèzman, lé tré partazé su la Tèr. Na poin lontan ankor, la Frans té ki pratik sa an Algérie. Pétèt, lèr larivé pouk la Frans i fé in zès : arkonèt son bann krim an Algérie, o Vietnam é dann dot péi ankor. Ala in zès i pouré disip inpé le brouyar...!

Justin