Mézami sa i étoneré amwin si dann in famiye La Rényon, sansa dann in kaz, otroman partou oussa néna rényoné, la pankor di in kozman konmsa o moins kékfoi dan l’ané kissoi dann passé, kissoi dann prézan, sar vré galman dann fitir. Sa i prouv koman nou lé atashé lo prinsipe l’égalité. In prinsipe nout sossyété lé privé.

I di galman mé mi koné pa si zot la fine antande : « I trouv bishik dann vante rokin mé i trouv pa rokin dann vante bishik. »

Mézami toute nout listoir lé marké par lo mank l’égalité é opliss ni aspère ali, opliss ni konte dsi li, opliss li dékal pou éloigné. Toute sak i koné in pé listoir la Rényon i done ar pa la démanti d’in n’afèr konmsa.

Alé ! Mi kite azot rofléshi la dsi é ni artrouv pli d’van. Sipétadyé.

Justin