Mi koné pa si zot la fine romarké, mé désèrtin z’androi bann planter koko I antour lo bann tron pyé koko avèk in l’antouraj fèr-blan. Pou kosa zot I fé sa ? Dabor inn pou anpèsh lo ra fé lo ni dan la tète pyé d’koko épi, d’apré sak i di, konmsa pou anpèsh ali ronz la noi par anndan.

La dsi nana pou diskité pars, sanm pou moin sa lé dir a fèr, mèm pou lo ra malin konm vinn-sink pintad, konm di lo kont. Sa lé éfikas sa ? Pou ète éfikas li lé éfikas pars lo pti zong lo ra, kan li vé monté, i glis dsi la tol épi Ii kapote dann fon. Aprésa li lé dékourazé é li ronons pou grinpé. Mé nout provèrb la-dan ? I vé dir sinploman k’i fo pa domann lo moun l’inposib. Kan i gingn pa, i gingn pa !

Kosa zot I anpans ? Arien ditou ? Fé travay in pé z’ot koko ! Fé bouy z’ot matyèr griz ! Zot va oir, ké, rant-rant, ni pé z’ète, tazantan, dakor rantre nou.