Sa I rapèl amoin in désin : in loto I pass, I klabous in moun a pyé. Lo moun a pyé I di : éskiz, moin la pa fé éksopré. Lo moun an loto I anvoye ali in jirman a la volète. Souvan dé foi nou lé dann in sosyété konmsa : bann gro péshèr, pèrsone I kritik pa zot sof si I trap azot in foi l’tan la min dann bokal konftir, mé lo pov, I pass pa in zour, in èr, in minite san k’demoun I kritik ali. Fam sèl ? Sa I gingn kozman sa. Shomèr ? I dire volèr sré pa pli grav. Zémigré ? Akoz i mète pa sa déor. Mi pans zot I konpran mon kozman é la pa bézoin mi arzout ankor la dsi. Sèl z’afèr mi di, rofléshi azot la dsi é ni artrouv pli d’van. Sipétadyé !