Oté

« Lo ronm dann boutèye i bouz pa vréman, mé kan li la rant anndan li la pi parèy »

In kozman pou la rout

Justin / 3 zanvié 2018

JPEG - 43.6 ko

Mi koné pa si zot nana bann parol la épi l’èr ki sava ansanm dann z’ot tète mé pou mète azot dann bon shomin m’a dir azot sa i sort dann in shanson Madoré. A ! Madoré, i fé pi shantèr konmsa koméla. In shantèr popilèr asiréman, arzouté èk sa in shantèr téi invant in shanté dovan ou, dsi bor shomin, dann koin in bivète san forsé, in l’inprovizèr a tou lé kou. Vi mon yabsité, lété pa in moun moin té i trouv souvan mé té i ariv trouv ali rant é kan téi trouv ali lété touzour pou pass in bon l’instan. Pou in ronm li té i shant aou kékshoz koméla mi apèlré in sédèv, mé lontan moin té i oi pa sa konmsa. Poitan, si zot nana lo tan alé ékout ali in kou dsi youtib é zot va oir si moin na poin rézon. Alé ! Ni artrouv pli d’van sipétadyé.