Mézami souvan dé foi dann bande kozman i fé la konparézon rante lo saz épi lo so.i di pa : lo saze i amontre la line, lo so i rogarde lo doi. Mé ni pé bien rofléshi la dsi : Ni pé domandé pou kossa lo saz i di pa sak li koné. Mi diré sé in tor dan li sansa li la pèr demoune i konpran pa li. I paré si wi di la vérité, prépar shomin pou ou démaré.

Mé a bien kalkilé ni pé di toulmoune lé saz é toulmoune lé so shakinn dann son domène, shakinn dann sak li koné é sak li koné fèr, é shakinn dann sak li koné pa é sak li koné pa fèr. Mi rapèl in gran proféssèr l’inivèrsité téi di konmsa : shakinn néna in parsèl jéni issi dsi la tèr. Mi panss lé a médité in kozman konmsa.

Mi rapèl ossi sak inkamarade la krosh téi di : lintélizanss lé bordé avèk la kouyonis é sa i f opa ni obliye.

Alé ! Mi kite azot rofléshi la dsu é ni artrouv pli d’van. Sipétadyé.

Justin