Lé konmsa é pa otroman. Ni pé oir sa par nou mèm kan ni vé. Ni pé rokomans l’éspèryans mil foi é nou va trouv lo mèm rézilta. Sa sé pou dir si in moun-mèm in bon moun-nana mové frékantasyon sa va gat ali. I di pa kan ou i frékant lo shien ou i gingn lo pis ? I fo rokonèt sa la pa in kozman optimis. Mé ni pé pran lo kontro-pyé : ni pé romark par nou mèm si lo mové z’égzanp i égzis é si sa i détrui désèrtin moun, lo bon z’égzanp i égzis osi, li pé mèm ète in kontajyon pou désèrtin. Si ou i pran pou modèl in moun i viv bien konm k’i fo, ou i pé rann aou méyèr. Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir ké rant-rant, ni pé z’ète, tazantan, dakor rantre nou.