Ala in kozman, sanm pou moin la fine bate son karé in pé partou dsi la tèr avan ariv isi La Rényon. Sé konm mi di azot : sa i fé parti la kiltir popilèr é la kiltir popilèr sé in rishèss pou lo mond antyé - i vé pa dir ou i doi pa réklam sa pou out péi mé néna d’ot péi i pé réklam sa galman pou zot. Astèr kosa kozman-la i vé dir pou d’bon ? Dizon ké ou lé kondané suiv la natir é pa alé dann sans kontrèr par raport lo kouran. Kon I di pa : « zanfan i suiv la famiy ! ». I di pa galman : « Kalbass amèr i suiv son rasine ! ». Alé ! mi kite azot pou rofléshi la dsi é ni artrouv pli d’van. Sipétadyé !