Zot i koné kant mèm an parmi bann provèrb la Rényon, lo sanss i raprosh in pé avèk kozman mwin la mark an-o la. Mi panss lo kozman : kalbass amèr i suiv la rassine, osinonsa zanfan koshon koshon mèm é konm kan mi ékri mi koz avèk bann zékspèr la lang kréol rényoné sirésèrtin zot i koné d’ot.

Dann kèl ka mi pé ansèrv sa ? Par égzanp kan in marmaye i travaye bien lékol é ké son papa té in bon zélèv lo proféssèr i pé di sa. Ankor inn kan zanfan Justin néna in bon kou d’plime dann kréol rényoné. Ni pé ankor di sa kan zanfan maloyèr i shant gayar maloya…

Mi panss zot lé dakor avèk mwin mé mi invite azot kant mèm a bien rofléshir la dsi é ni retrouv domin sipétadyé.

Justin