Mézami souvan défoi ni domande dann nout kèr pou kossa tèl pèrsone la fé sossi osinonsa sola, sirtou bande zaksyon lé pa rokomandab. Mé i ariv ké ni rogarde lo pti é ni obliye rogarde la mère, sansa lo pèr. Poitan in sinp démarsh konmsa i èdré anou trouv lésplikassyon par raporte la késtyon nou l’apré poz anou.

Provèrb marké an-o la i pé pèrmète anou d’ ésplik déssèrtènn shoz. La pa ké nou lé dann in démarsh syantifik, mé sé dann la famiye wi rossoi souvan out lédikassyon, mèm out mank lédikassyon. Antouléka sé la famiye k’i done légzanp. Lé pa inn késtyon d’ lérédité, mé inn késtyon d’modèle nou néna dovan nou. Ala in démarsh a suiv assiréman.

Alé ! mi kite azot rofléshi la dsi é ni artrouv pli d’van. Sipétadyé.

Justin