Oté

« Lo shien i manj pa fig gabou mé li vé pa poul i manj »

In kozman pou la rout

Justin / 29 mé 2018

JPEG - 43.6 ko

Si zot la viv konm moin bitasyon, zot la vi sanm pou moin bann kérèl rant zanimo : lo shat i grif lo shien, lo shien i aboye lo kok, kok avèk kanar i anmansh inn-a-l’ot, ziska bann poul i kya-kya-kya dann pla manjé. Na dé foi zot i dispite in manjé : lo shien avèk lo shat i pé an avoir anvi lo mèm z’afèr é dann in ka konmsa ou i pé konprann z’otwati-watia. Mé défoi lé pa konmsa. I diré inn i pran in malin plézir pou kontraye l’ot. Lé konm dan la vi kan in moun na poin ditou in l’intéré dann in n’afèr i tash moiyin anpèsh in n’ot gingn in kékshozli vé gagné. Zot i pans sa i ariv pa ébin poitan sa i ariv pli souvan ké ni kroi. Alé ! Mi kita zot rofléshi la dsi é ni artrouv pli d’van. Sipétadyé !