Sa sé in n’afèr, mi koné pa si lé bien vré pars d’apré sak mi oi na in bonpé d’moun koméla, i done pa z’ot shien n’iport de koi pou manzé. Na mèm désèrtin shien i shoizi z’ot manzé. Tan k’a savoir kisa k’i manz avan l’ot, sa sé pa in n’afèr gagné d’avans. Mé nout provèrb lé la, i fo trouv in l’ésplikasyon. Ala inn ké mi oi : nana in yérarshi dann la vi é so yérarshi-la, sé in n’afèr i doi z’ète réspékté. Sé konm in loi d’la sosyété é si ou i réspèk pal o loi, sé konm k’i diré in mank savoir viv. Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir ké, rant-rant, ni pé z’ète, tazantan, dakor rantre nou.