Mi sipoz zot i konpran déza kosa sa i vé dir. Sans prop na poin po diskite vinn-katrèr dosi, sof ké koméla, demoun i di zot i èm z’ot shien i done z’ot z’animo manzé an promyé. I paré sa i fo pa fèr, pars sansa lo shien i pèrd son ropèr. Li koné pi kisa i pas an pre, si sé li si sé son mètr.

Sans figiré : li lé déza dann sans prop ! Kozman-la i di konmsa nana in l’ord k’i fo réspèkté dann in sosyété. In légzanp ? Dann in maryaz, sé lo dé maryé lé dann l’onèr. Sé zot k’i rouv lo bal é zot tousèl. Donk i fo pa amayé, i fo lès azot dans an promyé pars sé z’ot zour. Na plin zégzanp ni pé trouv ansanm si zot i vé bien…

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir ké, rant-rant, ni pé z’ète, tazantan, dakor rantre nou.

NB Si zot i lir liv Daniel Honoré « Somi-lo-mo » zot va oir nana in bonpé kozman nana lo mo manz dodan. Provèrb mi anparl zordi i sort dann liv dalon-la.