Oté

« Lo tan i kont pa pou sak lé pa la avèk li »

In kozman pou la rout

Justin / 6 séptanm 2018

JPEG - 43.6 ko

Lo tan, si mi tronp pa, i marsh avèk sak i mézir ali. Si ou i kontant la nuite avèk lo zour mézir lo tan lé fasil. Si ou i kont avèk out léstoma, lé fasil ankor : in l’èr ou la fain, in l’èr ou i désote la fain ? In l’èr ou la somèye. Pou mézir tousala bann z’imin la fabrik bann l’instriman : lo sabliyé, lo révèye, l’orloz é koatéra. Aprésa nou la vouli alé pli vite, avèk plis présizyon : nou la diviz lo zour an vinn-katrèr, l’èr an minit, la minite an ségonn, épi an dizyèm sogonn, épi ankor an milyème sogonn. Ni pé d’mandé kosa sa i ansèrv : in tan nou té i kontant l’antèrman katrèr pou sinkèr. Nou la invant ankor lo kar d’èr d’politèss. Domin va invant koi ? Mi koné pa mé mi lèss azot rofléshi avèk sa é ni artrouv pli d’van. Sipétadyé !