o miniss lédikassion nassional méssyé Geffrey la di li panss pou lo bak 2028 bann jenn lisséin k’i vé zot va gingn konpoz inn-dé spéssifissité késtyonn mète an valèr bann lang réjyonal zordi i aprann dann bann zétablissman skolèr épi i amontr déssèrtènn spéssifissité dann bann lissé.. Recteur li ossi, li la koz dann télé pou dir sa i vo pou bann jenn nora étidyé zot matyèr dann la lang réjyonl o moinss dézan. Mé li azoute La Rényon konm ayèr va ansèrv légzistan é na pwin arien pou invanté épi pou kréé.

Mé alé anpèsh la mèr bate zot va oir si zot i gingn… Dopi dé zour bann lang i arète pa bate é la plipar d’tan pou répète lo mèm kouyonad i di issi La Rényon talèr dopi sinkantan konm par égzanp : « si i pass bak an kréol koman va fé pou koz franssé kan v’ariv La franss », osinonsa « sé bann zorèye va vni la Rényon pou amontr kréol », sansa ankor « bann partizan lo kréol i obliz zot zanfan parl franssé é lé zot parl kréol pou rèss dann fon é pa monte dan la limyèr ». Mi arète la pars konm mi di azot la kouyonad i mank pa.

Toussala, alé oir na pwin arien a oir avèk lo prozé gouvernman konm mwin la fine ékri an-o la. In domaz ké bann zanimatèr la radio la pa fé inn-dé roshèrch plito ké lèss la kouyonad ésprime aèl dann bann radio… Koman in bon lidé d’mète an valèr bann lang réjyonal par lo bak lé galvodé par la fote béssèrtin k’i fé pa korèktoman zot métyéé déssèrtin k’i bate la llang dann vide..

Pèrsonèlman mi koné konm noré di Daniel Honoré i diskite pa avèk in bann kouyon é i done azot rézon san rode pli lwin. Sé sak mi pratik dopi ma zénèss é mi oi kant mèm nout lang la avanssé pa assé pou in pé, mé la avanssé kan mèm é va kontinyé d’avanss é avèk li lo bilinguism ni vanj pou sa é pa arienk zordi.

A bon antandèr salu !

Justin