Kozman-la, sa sort dann in péi i apèl L’Alzéri. Sa in gran péi mi pé dir azot. Mé la pa lo péi mi vé anparl zordi. Mi vé anparl arienk lo kozman pars sa sé in n’afèr lé valab partou, dann tout landroi, pou tout demoun, pou zanimo, mèm pou bann pyé d’boi. Mi ansouvien in shanté téi di konmsa –sé la mor lo poète i fé kozé - « nout maryaz té prévi dopi lo zour ton batème ». Myé, ni pé dir dopi nout nésans : tout sak lé éné lé kondané pou mor. Pa zordi, pa domin, pétète dann plizyèr dizène l’ané sansa konm torti ziska 450 l’ané mé pou an avoir inn fin néna inn fin. La fin, dabitid, sa i fé pa dézord ; li ariv konmsa in zour é na poin arien pou arète ali. Tout lo tan k’ni viv, i fo ni pans nout dèrnyé zour. Mi oi zot i yèm pa i anparl dé sa, mé mèm si i anparl pa, pou vni li va vni. Alé ! dsi sé bone parol, mi kite azot pou roflfléshi é ni artrouv pli d’van. Sipétadyé. [1]