Ousa i lé la Frans bann droi de l’om, oussa i lé lo sinp droi la santé ?
Mi sort lir dann zournal in gran lartik dsi la santé la-ba dann mayotte. Sak moin la lir la-dan na do koi fé mal lo kèr d’moun noré kansréti in pti pé limanité.
I di pa bann moun la-ba, si zot lé pa an réguilyé, na poin lo droi fé soign azot, mé lé près parèy.
Akoz la loi i avèy aou partou pou karsèr aou épi ranvoy aou ousa ou sort, mèm kan ou sar sèy fé soign aou !
Si ou la gingn passé pou alé dispansèr, i domann aou in gro larzan : konm la plipar d’tan ou na poin, alor i soign pa ou.
Armète avèk sa, in mafia i vèy la fontène piblik : si ou pèy pa, ou gingn pa d’lo, i boir lo sal, i kui manzé avèk so lo-la. An pliské sa, lapoin kabiné modèrn : zot i konpran koman bann mikrob la malaria i kontamine demoun an vitès, épi i agard si nana nasionalité, si na poin...
Ala koman bann moun la-ba lé randu. I fo zot i artourn konm dann tan lontan : luil tantan, tizane sinp, kataplasm limon dsi ba-vant... Déga i tard pa ! Kroi amoin !

Justin