Mézami souvan dé foi i di-kissoi mwin, kissoi zot, kissoi d’ote ankor-néna lo tan… Lo tan la pa sak i manke. Mwin la même antande in zour in moune téi di : « Kan wi antropran kékshoz fé konmsi ou néna toute inn vi dovan ou. »

Wi pé fé konmsi, mé an réalité opliss lo tan i pass, omoins ou néna lo tan dovan ou pou fé in n’afèr. Opliss i sava, opliss lo tan sé in marshandize rar pou in moune é i fo ékonomize ali, fé lo maksimome dann in minimome de tan. In marshandize a évite gaspiyé pars lo tan ou la pèrde zordi la pa sur domin wi ratrape ali.

Konm i di dann la lang bande franssé : « lo tan pèrdu i ratrape pa zamé ! ». Alor mi kite azot rofléshi la dsu é ni rotrouv pli d’van. Sipétadyé !

Justin