Frui La Rényon néna an rafal é néna pou kontante anou sof ké koméla lo frui i gate, la maladi i monte déssu, é siklone i ménaz pa li kan l’èr l’arivé pou li passé. Domaz siklone i shoizi souvan dé foi nout gran sézon dé frui pou li agrèss nout prodikssion fruityèr.

Zot i koné in siklone kan sa i ariv dsi nou kissoi moi d’zanvyé, moi d’févriyé, défoi mèm moi d’mars ébin pou détrui li détrui é konm lo kozman zordi : lo van la rafal vèrtésèk. Sa i vé dir li shoizi pa, toute li bate a tèr.
Inn fète pou nou dann tan nou lété marmaye kan ni sava sou pyé d’frui é ni trouv in prodikssion mirakilèz a-tèr. Salté d’siklone-la sa i shoizi pa sa.. Toute li bate a-tèr « vèrtésèk »konm nou la di.

Alé ! Mi éstope tèr-la é i invite azot shèrch dann zot mémoir lo sou nir la prodikssion mirakilèz é ni retrouv pli dvan, sipétadyé.

Justin