Médame, méssyé , la sossyété, koz èk mwin sé koz èk in kouyon, mé sé o pyé d’lo mir k’i wa lo masson .

Mézami souvan dé foi,si i ariv aou in kanikrosh dan la vi, la famiye i soutien aou.Mèm si i rokoné oa la paf é kékshoz bien i trouv touzour in léskiz pou atényé oute résponsabilité .Pli souvan va di : « l’antrennman kamarad », in fasson d’fèr k’i transform in koupab an viktime é i fé porte l’otèr dsu lé zot.

Konbien foi dann tribinal i wa lé z’inn mète l’otèr dsu lé zot, é lé zot mète l’otèr dsi lé z’inn ziska ké la vérité ofisyèl lé doné par lo tribinal li mèm.Vérité ofisyèl, mé pa vérité pou la famiye k’i kontinyé défande son rozoton.

Alé ! mi kite azot rofléshi la dsu é ni artrouv pli d’van. Sipétadyé.