Oté

« Lo zyé pli gran k’lo vantr. »

In kozman pou la rout

Justin / 14 févrié 2020

JPEG - 43.6 ko

Médam, Mésyé, La Sosyété, koz èk moin sé koz èk in kouyon, mé sé o pyé d’lo mir k’i oi lo mason. Pou in provèrb sa sé in provèrb é d’apré sak i di, néna sa dann in bon pé kiltir popilèr dann in bonpé péi. Astèr kosa sa i vé dir ? Mi pans zot la fine lir lo liv « Bayalina », in liv Axel Gauvin. In n’ot tit : « faim d’anfans » : la fain bann zanfan i manz in foi par zour sé kan zot i sava lékol é zot ropa prinsipal zot i pran sa dann la kantine lékol. Lo soir i manz arienk konblaz. Mé lo onzèr lo vant na pi d’fon, la faim i fini pa zamé. Pé s’fèr sé par lo vèr, pé s’fèr sé par raport na poin souvan l’okazyon manz manzé konm k’i fo. Mé lo zyé pli gran k’lo vant sa i vo pa solman pou manzé mé pou tout zafèr : demoun i pé an avoir lo zyé pli gran k’lo vant pou lo plézir, pou lo voiyaz, pou larzan, pou lo zé-anfin zot i oi pou tout zafèr ou i pé avoir anvi. Alé ! Mi kite azot rofléshi la dsi é ni artrouv pli d’van. Sipétadyé !