Oté

« Lo zyé propriyétèr i ranpli rozoir d’lé »

In kozman pou la rout

Justin / 22 mars 2018

JPEG - 43.6 ko

Moin lé sir zot i pans sa sé in bon kozman, in kozman vré, é na poin pli vré k’sa. Pars lé sir si in propriyétèr i avèye bien son bèf. Si li mank pa lo soin. Si i done ali manjé konm k’i fo épi in pé l’égzèrsis épi si sé in vash bon kalité, bon l’éspès, li va done dolé an kantité épi an kalité. Dann in ka kontrèr, i gingn ar pa in bonpé d’lé épi in bon kalité. Moin la mèm lir par la désèrtin moun i fé zoué in mizik dous pou z’ot bann vash… Mé oila, défoi, la pa lo propriyétèr i okip li mèm son bèf, défoi sé son om de konfyans sansa in marmaye la kour é mi pé dir azot lo bèf lé bien okipé galman. Donk bon bèf bien akipé i ranpli son rozoir d’lé konmsi dorien n’été. Alé ! Mi lèss azot rofléshi la dsi é ni artrouv pli d’van sipétayé.