Mézami kozman-la sa in kozman La Rényon. Mi sorte lir ali dann somi lo mo, in liv Daniel Honoré. Lo kozman an li mèm lé intéréssan pars mi pans sa i parvien par lésprésyon la lang bann fransé k’i di : « Pauvreté n’est pas vice »-noute toute i konpran kossa i vé dir - Mé nou kréol ni yèm bien zé d’mo, kassaz lé kui é la nou néna dovan nou in légzanp fabrikasyon d’in kozman. A partir d’ vice ni pass a vis, é dopi vis ni ariv a boulon é pou ranfors lo boulon ni tarode ali. Donk si lokisité la pa in vice, la pa non pli in vis, mé in boulon tarodé é kan li lé tarodé-filté - alé sèye débarbote aou pou shape lo maye. In rish i pé vni pov, mé in pov lé rar i vien rish, lokisité I kol dsi son po é lé bien difisil dékolé. Mi kite azot rofléshi la dsi é ni artrouv pi d’van. Sipétadyé.

Nb : in pé i di galman « lokisité la pa in viss mé in boulon mal tarodé »é kan li lé mal tarodé, é si li la bloké zing la boulète pou déboulone ali.