In kozman pou la route

« Lokissité la pa in viss, mé sé in boulon tarodé »

19 zanvié, sanm Justin

Médam zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami sirman zot i koné lo mo lokissité, pars néna lontan sa i égziss é lé normal pars lé ossi vyé ké Job dsi son ta d’fimyé. Lo ladzéktif sé « oki » — moune-la lé oki — é kan li lé sibstantivé li vien in nom « lokissité » — lokissité moune-la l’apré fatig ali.

Astèr konm souvan dé foi dann in kozman kréol néna lo zé d’mo : lo viss sé lo défo, sé galman in pti pyèss métalik i sèrv pou fiks in n’afèr. Lo mo viss i vien dann mon tète é wala astèr li vien in boulon é li lé tarodé pou rann ali pli solide ankor.

Dann la lang bann franssé i di : « pauvreté n’est pa vice » — la pa in défo, mé si li vien in boulon tarodé wi gingn pi ansorte aou la-dan.

Alé ! Mi kite azot rofléshi la dsi é ni artrouv pli d’van, sipétadyé.

Justin

Padport

Signaler un contenu

Inn modékri, inn ti lavi, inn komantèr ?