« Lotèl i rofiz pa goiman »

Médam, Mésyé, la sosyété, ala in kozman mi koné dopi lontan. Zot galman mi pans. In goiman sé in bon kliyan pars oplis li manz, oplis li pèye-normalman ! Si l’moun néna ti-boush li lé pa intérésan pou lo boutikyèr : pars ti-boush ti faktir, gran boush gran faktir. La pa bézoin bak plis vinn-kat pou konprann in n’afèr konmsa. Konm moin zot koné lo zistoir la ga téi sava manz son bout pin a l’odèr manzé dann réstoran. Zot I souvien l’apèl zandarm pou sa é zot I koné koman listoir-la la fini ? Lo boug la aksèp pèye lodèr kari avèk la mizik son pyès larzan. Si mi rapèl bien sak té marké dann mon liv léktir. Alé ! Mi kite azot rofléshi la dsi é ni artrouv pli d’van. Sipétadyé !