A ! Biensir in pé va dir sa lé vyé-zé, sa lé dépassé, mé kan k’i ariv anou in danzé, si nou lé pa boushé konplètman, ni rogarde an aryèr é an aryèr néna toute diskission, toute sobatkoz, tout projé téi pass dovan nout komité santral é nou téi diskite avèk passion.

Tram-train, nou la anparl de sa é nou téi rèv oir sa réalizé. Mcur ? Sa té kékshoz la fé rèv anou é nout kèr té amaré kan la droite-avèk la konplissité d’sèrtin ote-la mète in poin final dsi in projé téi ofèr anou in gran rouvèrtir dsi lékstèryèr.

Sé zour, kan ni antann lo préfé-li lé la dopi dé zour — é li va kite La rényon san konprann sak lé bon pou nou é sak lé pa bon… Kan ni antann ali dir lo pri léssanss i sava goumanté par rapor la guèr dann moiyin oryan, néna in sèol zafèr ni yèmré dir ali : léssanss ?2bin sa sé in n’afèr noiu té poa bézwin si konm La Réjyon l’avé gingn réaliz pou l’ané 2025 lo plan dsi lotonomi dann lénèrji.

A ! Sa té i fo pa fé sa pars lété in bon lidé kominiss. Pars bann gro vaza téi fé la moné la-dsi, pars sa téi mète nout péi anlèr, pars pétrole sa sé kékshoz limanité nora ankor bézwin… an atandan ankor in foi wala k’i fou anou d’dan. Wala k’i fé sanblan défann nout zintéré alé oir la réalité lé la.

Paul Vergès, la nostalzi ? Parti kominiss la nostalzi ? Pli modèrn ké sa malorozman na pwin. Pli bon zidé kominiss na pwin é néna ankor pou lo pèp rényoné sibir.

A bon antandèr salu !

Justin