Zot la donn lekzamp lo parking score Shodron ke lé kouver ek pano photovoltaïk. Ek sa lo propriétèr lo magazin y fabrik lélectricité pou li, é kom na bonpé kouran ke lé produi, ben li vande sak li itilize pa. Malin lo boug !

Sa in bon lekzamp pou montré koman dann nout péï, nou pé fé nou mêm nout kouran avek in sourse gratuit, prop, é infini. Koman nou pé itilize à li pou nou mêm é koman apré nou pé vande sak y ress. Pa soléy y mank isi. Li lé gratui. Pa bosoin asté pétrol ék péï déor. Pou fé lélektrisité nou pé itilize osi lo van, la mer, la shalèr la ter… toussa la y ekzis issi, y koute pa arien, y poli pa é an plis y gaspi pa lo sourse parse li lé inépuisab.

Zot y wa nou pé ét in péï ki fabrik son léléktrisité san importe pétrol ni sarbon. Dann tan Paul Vergès lété prézidan la rézion li la fé lo prozé, aprè li la fé fér zétitide pou mèt sa en plass, mé malérèzman son suivan la rien kompri à lafér é la foute in kou d’pié dédan. Sa y vé dir nou lé sirman pré pou lotonomi énerzétik, sa lé possib, mé i fo nou lé pré dan nout koko, y fo nout bann dirizan lé pré pou amène nout péï pli loin, sinonsa na ress la mêm mêm.

Ni artrouv (sou in not Solèy).

Justin