Lo 5 novanm 1811, in zesklav la lèv son tèt kont linzistis lesklavaz.
Son non Elie la zamé rant dann bann liv lékol. Parlfèt, nana in takon rénioné i koné pa morso nout listoir-là. Yèr, navé inn bann militan vanzèr, la rann ali in loumaz po son kouraz, po son batay po la liberté. La mèt kabar, la roul maloya, la kozé, la sobatkozé, soman afors mi kroi i kontinié marsh dési son doi-d pié.

Afèr i mazine pa fé in moniman po li ? In liv i ègzist pa, ti di amoin. Rozman, mi di bien, Orozman, bann Rasine Kaf i larg pa lo kor po rakont anou zistoir-là. A ! Là i fo di mersi Sofi Rotbar po son fim lamontraz. Domaz tout lo pèp té pa là po voir sa.

Justin