Kan ou i kashyète bien in parti lo kor, na touzour in bout pou trayi aou. Dann lo ka d’lyèv i prétan dir sé son zorèy : son garanti épi sak i mète ali dann danzé. Pou kosa sa ? Pétète pars avèk son zorèy lyèv i ékout lo van, pou li sèy kalkilé si li lé pa dann danzé.

I di galman avèk son né osi li lé kab konète bann l’odèr la pa bon pou li kisoi l’odèr lo shien osinonsa l’odèr shasèr. Donk kan danzé i ariv, li démar vèy pa koman é si ou i pans trap ali konmsa ou i fé in l’érèr… mé ou i pé galman débisk ali.

Boudikont, la sékirité lé zamé san-pour-san : nana son poin for, nana osi son poin fèb. Lé konmsa épa otroman.