Médam, Méssyé, la sossyété, koz èk mwin sé koz èk in kouyon mé sé o py d’lo mir k’i oi lo masson.

Mézami, mi panss zot i koné kozman-la. Dann liv somi-lo mo, Daniel Honoré la ékri, i di sa sé in provèrb. Ki di provèrb di sanss prope, épi sanss figuiré. Sanss prop sé sanss prop é la pa bézoin bak+12 pou konprande sa. Marmaye dë zour i koné déza in n’afèr konmsa.

Astèr si ni vé oir lo sanss figuiré, sak néna pi d’rapor avèk ni lo lyèv, ni lo zèrb. Kan i di par égzanpe : Roné i koné bien son moune sé pou sa i abiz-abiz in pé. La ni pé di : »Lyèv i koné son zèrb » é sa i vé dir li koné ziska oussa li pé alé san k’i ari pa li arien.

Alé ! Mi kite azot rofléshi la dsu é ni artrouv pli d’van, sipétadyé.

Justin