Na dé foi in kozman na poin in sans pou vréman. Sof ké sé in kozman an foutan é sa kréol La Rényon lé for pou lo foutan. I pé mèm dir zot néna diplonm dann matyèr-la. Antansyon i ariv défoi ké lo kasèr lé kui, l largèr d’foutan, i yèm pa demoun i kas sali tri-boi, i yèm pa i larg ali foutan - é zot, i ariv tangaz dé foi pou sa parraport in pé i yèm pa la plézantri ; na poin lontan dann prosé z’asiz, dé kamarad, inn la tyé l’ot, pars d’apré sak li di li l’avé mar d’moun i fout sa gèl... Pou arvnir dsi kozmna moin lamark an-o la : sa zistoir i bonom téi malmène son madam. Lé rogrétab mé lé konmsa é tanpir li malmène lo fanm, tanpir lo fanm téi kriy-plèr, li té i di kozman moin la mark an-o la. Sa lété pa in bone afèr kant mèm é mi lèss azot rofléshi la dsi, é nou va artrouv pli d’van sipétadyé.