3 mars 2022, sanm
Mézami souvan dé foi mi anparl azot Madégaskar é mi anparl azot loséan indien dann son parti west. Pou kossa mi anparl azot sa ? Pars pou mwin pa zordi pa domin, ni vé ni vé pa, noute linivèr anou sar la é pétète pli vite ké ni kroi.
Mwin lé pa toussèl pou dir sa é mi rapèl bien kan Paul Vergès té i fé konféranss de press li téi manke pa parl la goumantassion la popilassion in pé partou dsi lé tère é dann Madégaskar la fine trape 25 milyon d’moune, biento va trape 50 milyon d’moune, é in pé pli loin dann tan ziska 100 milyon zabitan. Lété pou signal koté d’nou k’va pèze 1 milyon d’moune sar in zéan é pa arienk an popilassion, galman an téritoire-La Franss épi la Belzik azouté inn avèk l’ote.
Pou mon par mi obliye pa sa sé in péi lé ziss koté nou, sa sé in péi néna in paké rishèss dann son sou-sol épi potanssyèlman li lé rish... Lé vré zordi bande malgash lé pov épi zot lé frazil par raporte bande zévènman natirèl. Mé pou konbien d’tan ?
Son bande rishèss i atire bande gran péi épi bande gran sossyété. Néna in ta gran projé l’apré monté laba é biento nou va oir lo péi pran son lassanssèr pou lo dévkopman-é nou a koté kossa nou va rossanblé – Dann Témoignages mardi i parl lo por Toamasina (Tamatave pou bande zanssien) apré agrandi é biento sar lo pli gran port dann noute zone loséan indien é li prétan dire sar in hub maritime avèk kate foi pliss la kapassité pou fé rantré épi sorti bande marshandize ké noute por la Pointe dé galé.
Mové nouvèl si ni prpare pa nou. Mé oir in péi dékolé dann noute zone la pa inn movèze nouvèl si ni pran lo bon shomin pou la kopérassion mi panss nou ossi nou va profite dévlopman noute grande voizine. Mé i fo arète rogarde laba dann l’erope sinploman, i fo rogarde ossi é bien konm k’i fo sak i éspass dan noute zone é prévoir an avanss dann kèl dirékssyon ni doi ko-travaye ansanb toute banna ki avanss san rogarde an aryèr.
Konm ni doi rogarde sak i spass dann Maurice, é domin dann bande zil komor avèk lo gaz i paré banna i sava trouvé épi mète an léksploitassion. I fopa ni obliye l’Afrik de l’west… Obliye pa mézami Madégaskar – la pa arienk lo Kéré laba-néna in l’avnir briyan i prépar pou péi-la. Biensir mi prèsh dann dézère, mé dé foi sa i ansèrv kékshoz.
Justin
Maintien de l’argent de la LODEADOM : Les entreprises dépendent de l’assistance de la France dans les anciennes colonies comme La Réunion
In kozman pou la rout
L’agenda 2030 à La Réunion : le bilan interdit (4/5)
Visite officielle de Michaël Randrianirina en Égypte
Maintien de l’argent de la LODEADOM : Les entreprises dépendent de l’assistance de la France dans les anciennes colonies comme La Réunion (…)
L’échec d’un système
Archéologie : Un campement d’invaincus découvert
Washington grand bénéficiaire d’une éventuelle dissolution de l’Union européenne
Na pwin lontan mi oi dann télé, in lanjin apré boulvèrs in kour lékol. Mi domann amwin pou kossa io fé sa, sirtou kan ou la bétone la kour-la na (…)
315 emplois supplémentaires en trois mois
Versement du reliquat de l’aide à la production de canne à sucre pour la campagne 2025-2026
Mézami so matin l’ariv amwin d’ékoute in radio épi toudinkou in sobatkoz la pété. Rant sak i di mourong sé in bon nouritir é sak i di sa lé nil (…)
