Mézami, i prétan makro sé in rass lé difissil pou éliminé é pou ranfors so l’idé-la in pé i di « makro na d’sèl dann avante » mé la ni anparl pi dmoune nou-la, ni anparl poisson fimé é sa i gate difisilman pars li lé préparé pou konsèrv lontan.

Mi rapèl dë bo-frèr, inn demoune téi di li té onète, é l’ote té répité bézèr d’zèf o la é kan lo promyé té fini boir sou, de loin, li téi antroprann son bo-frèr an trétan ali d’ makro sansa do vèr é sa i rovien la mèm shoz.

Anfin lo tan la passé, inn la vande son am épi li la fini rish, tanka l’ot la rèss konm li lété épi li lé mor pov. Konm koi nou lé pa dann fime é pa non pli dann roman pars danntan-la la moral téi sorte gagnan alé oir la, la moral la sorte pèrdan.

Alé ! Mi kite azot rofléshi la dsi é ni rotrouv pli d’van, sipétadyé.

Justin