Mézami mi sort lir pti fraz-la dann liv Daniel Honoré i apèl somi-lo mo é mi ansouvien mwin ossi d’aoir antande sa. La métempsychose ? Sirman sa mèm k’i fé k’in moune lé blijé viv sète vi ziska li amélyor ali pou vréman. I di li trape lo nirvana.

Sa mi rapèl é mi rapèl galman kan dann promyé tan zangajé, bande zindien maltrété té i suiside azot zistoman pou roviv dann l’Inde. In zistoir, mé in zistoir tériib i rakonte bande zangazis téi krèv lo zyé bande pandu pou fé kroir sak lé vivan li va arviv avèg dann l’Inde.

Mézami m’a dir azot in n’afèr, mèm si tazantan mi di kozman-la, mi yème pa li pars sa i fé romonte dann mon mazinassion lo tan bande rényoné, zésklav, épi zangazé, lété supèrésploité issi dann nout péi.

Alé ! mi kite azot roflésjhi la dsu é ni artrouv pli d’van. Sipétadyé.

Justin