Mézami, dann toute lang néna lidé k’in nafèr dézagréab i ariv vite épi li ropar dousman. Dann somi-lo mo Daniel Honoré mwin la trouv in n’afèr konm : « malèr i rante par la porte, li sorte par lo trou sérir ».

Parèye ankor kan i di : la maladi i ariv a shoval i ropar a pyé. Toussala pou mète anou an garde konte bann zafèr mové i pé ariv anou dann noute vi dsi la tèr.

Lé vré lo malèr i fé son bann zanons li mé sé nou k’i konpran pa son méssaz. In zour in kamarade la tonb malade é mwin la di ali : « ou la pa vi li ti i vien ? ». Li la réponn amwin, défoi wi oi mé wi souète tro li vien pa ! Alor mwin la di ali : « Dann franssé i apèl lo déni ? » é li la di amwwin : « oui »

Alé ! Mi kite azot rofléshi la dsi é ni rotrouv pli d’van, sipétadyé.

Justin