In kozman pou la rout

« Mang vèr i agas la boush »

19 zanvié 2018, sanm Justin

Mi pans zot i koné kosa i vé dir « agas la boush ». Sa i ariv kan ou i manz mang èg, mé pa solman. Tamarin, sitron, é pi d’ot frui ankor osi i fé sa. Mèm in sos salad tro vinégré i fé kékshoz konmsa. Lo dan i grins épi néna in n’afèr konm i jène, i digdig dsi lo koinn boush. Agasé ? Néna d’ot sans bien antandi konm marmaye l’ékol i agas lo mèt. Final de kont tout sak i jene i agas. Mé i pé dir galman sa i agas bann moun déza agasé pars in moun lé kool, i nèrv pa pou in oui, pou in non li agas pa pou arien. Finn kont, shakinn son prop réaksyon é lé bon konmsa. Alé ! Mi kite azot rofléshi la dsi é ni artrouv pli d’van sipétadyé.

Padport

Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus