Oté

« Mang vèr i agas la boush »

In kozman pou la rout

Justin / 19 zanvié 2018

JPEG - 43.6 ko

Mi pans zot i koné kosa i vé dir « agas la boush ». Sa i ariv kan ou i manz mang èg, mé pa solman. Tamarin, sitron, é pi d’ot frui ankor osi i fé sa. Mèm in sos salad tro vinégré i fé kékshoz konmsa. Lo dan i grins épi néna in n’afèr konm i jène, i digdig dsi lo koinn boush. Agasé ? Néna d’ot sans bien antandi konm marmaye l’ékol i agas lo mèt. Final de kont tout sak i jene i agas. Mé i pé dir galman sa i agas bann moun déza agasé pars in moun lé kool, i nèrv pa pou in oui, pou in non li agas pa pou arien. Finn kont, shakinn son prop réaksyon é lé bon konmsa. Alé ! Mi kite azot rofléshi la dsi é ni artrouv pli d’van sipétadyé.