Moin lé pa sir kozman-la lé vréman kréol rényoné… mé konm lo mansonz i égzis partou, dann tout péil, moin lé sir lo kozman lé galman valab in partou. Kosa li vé dir ozis ? Pou moin li vé dir lo mantèr lé riskab fé trap ali pli vit ké li kroi. O-fon, lé vré, pars kan ou i kalkil mantèr, i fo vréman ou lé bien roganizé pou pa dir lo kontrèr d’sak ou la di...

In zour in moun la di amoin si mantèr na lo pat kourt, l’èr-la la vérité na gran pate. Moin la réponn ali lé pa nésésèrli nana gran-pat, vi k’kan in moun i di la vérité, li pran out risk, donk li koné par avans sak i doi arivé.

Moin lé fini pou zordi anparl lo kozman pou la rout. Mi souète azot bien fé travay z’ot koko la-dsi é ni rotrouv pli tar.