Ala ké mi domann amoin bien koman i pass d’inn a l’ot, koman i pas dépi mantèr ziska volèr ? Lé vré ké lé dé la pa dé bon z’afèr. In mantèr i di z’afèr la pa vré, épi in volèr li soulaj aou par raport out bien.

Mé, lé dé lé pa parèy ! Oui mé ni pé dir inn i konplète l’ot. Ou i domann in volèr si li la soulaj out porte-moné, li réponn aou, mèl pa li la-dan, li lé pou arien dann so trik la. Si zandarm i domann ali si li la fé, koman li la fé, ousa li lété : lé parti, i fo li shant son romans, i fo li ramas la mantri.

Donk, volèr i vien mantèr ! Mé si li trafik la vérité, si li rakont sa lé ali, sa lé ali. Momandoné i fo li aport la prèv li nana désèrtènn shoz é si li la poin i fo li vol pou dir li nana. Ala ké mantèr i vien volèr !