Mézami mi panss pa zot konm mwin ni koné kozman-la pars sa i sorte loin laba dann in péi i apèl Haïti mé konm zot i pé an douté, sak lé valab laba, la plipar d’tan, lé valab issi épi ninporte oussa.

Dann mon famiye mwin téi antande souvan kékshoze konmsa : « Néna sak i rode pou trouvé, é néna sak i rode pou pa trouvé ». Sa i di bien sak li vé dire é sa i fé rovnir anou dsi noute kozman d’dépar.

Ni koné bien pou rode pou trouvé, la pa bézoin ou néna bon zyé i sifi wi gingn fé in in rapor rante la shoze rodé épi l’anvironeman. Si wi gingn ou lé riskab trouvé. Mé si wi trouv pa kante mèm ?

Alor néna arienk in solission, sé fère in priyèr épi in promess-obliye pal o promèss !- pou Sin Antoine de Padoue. Si zot i kroi, zot i kroi.. Si zot i kroi pa fé kante mèm. Ou sansa apèl freedom.

Alé ! Mi kite azot rofléshi la dsi é ni artrouv pli d’van. Sipétadyé.