Mézami noute toute i koné patate ! Ni koné néna la shèr avèk la po é normalman wi manj la shèr é wi jète la po mé i pé ariv manz lo total : la shèr, la po é toussala kui dann manjé koshon… In régal pou nou étan marmaye pars fransh vérité nou té in pé goulipia. Konm toute marmaye biensir.

Mé o fon, kossa in kozman konmsa i vé dir zordi ? I vé dir si wi fé sa, ou lé pa tro rafiné, mèm ké ou lé pa in modèl lo bien viv dann la sossyété par la forss dé shoz pars lé pa toulmoune i gingn shoizir arienk le bon é sak na poin lo moiyin pou shoizir li kontante ali d’manz manzé lo ta.

Mi kite azot rofléshir la dsi é ni rotrouv pli dvan sipétadyé.

Justin