Médame, zé Méssyé, la sosyété, koze èk mwin sé koze èk in kouyon mé sé o pyé d’lo mir k’i oi lo vré masson. Mézami, néna lontan mi koné kozman-la, mé mwin lé pa sir konète kossa li vé dir an vré. Dann somi-lo-mo in liv Daniel Honoré li di sa i amontr lo moune lé bète pars olèrk manz patate san la po, i manz la po ansanm… Si kozman-la lé dann diksyonèr Alain Armand i ésplike pa kossa sa i vé dir. Pou mon par, mwin néna in léspèryanss manz patate avèk la po, sé kan nou téi sava vol sa dann tanbouye manzé koshon, ébin m’a dir azote moin téi yème sa : son gou, son koulère, son fondante, son bande savèr mélanzé.. Mèm néna défoi mwin téi i an vé bande koshon pou manze gayar zafèr konmsa alé oir noute patate anou, mi trouv lété moin gouté. lo gou lo frui défandi pétète. Osinonsa lo gou in mélanjaj in bonpé bone shoz ansanm. An atandan manze patate konm zot i vé mé provi Va k’zot i manj. Alé ! Mi kite azot rofléshi la dsi é ni artrouv pli d’van. Sipétadyé.