Mézami zot i koné piman ? Sa lé for mé manz ali la pa toute. Wa gingn in bon poikman d’boush mé sa i arète pa la. Pars aprésa néna ankor lé fré d’doine é sa lé pa in n’afèr pou plézante ansanm.

Kissoi piman kabri, piman malbar, pti piman martin épi d’ote ankor konm piman blan, piman soriz, piman boul, piman zoizo-lo pli pti mé lo pli for. Mé koméla néna dann l’amérik in moune i plante piman for dsi bann gran karo é i paré li néna sak lé pli for, pli poikan, avèk son zinité d’mézir :i apèl sa inité dsi in léshèl i apèl léshèl scoville.

Dakor pou lo for. Sa i poike la boush san ménazman, mé apré doulèr i atann aou…Sé sa mèm i apèl droi d’doine é mèm san éspliké mwin lé sirésèrtin zot i konpran.

Alé ! Mi kite azot rofléshir la dsi é ni retrouv pli dvan, sipétadyé.