Na dé kwa fé plaisir toute sat y aim à li. Na sat y fé salade, sat y aim Manze à li kom sa mêm, épi sat y fé do ji ek li. Li en serve pou dékoré, parse li na zoli forme zétoil kan y koup à li. Li lé bien appréssié en Asie, y paré li na bonpé vitamine C, y di mêm li lé bon pou la gorge épi li lé bon tou lite konte la tou. I di, mé mi koné pa, mi vann à zot kom moin la asté.

Bann marmaye dann tan lontan té y di : « Manze karambol pisse dann bol ». Té y di sa pou kasse lé kui, pou fé ri la guèl, mé en même tan té pa si tèleman mantèr. Si ou manze bonpé li fé pissé pou d’vré. Mé sirtou, sa in fri y fo pa en abisé parse li pé èt toxik.

Y di na domoun na fini mor ek sa et y fo pa manze plis dé par somène ! A wi, lé sérriè. Na dè trwa ka grave la arrivé en Martinique, kom en Asie. Li lé même interdi pou bande domoun na linsiffizanse rénal. Lo rein y zoué in rôle importan dann le pissa, donk y vé dir, bande marmaye lontan té y koné zot affèr !