Mézami, mi koné pa si zot lé konm mwin, mé mi trouv nou ktréol La Rényon, ni yèm bien manjé. I fo dir ossi néna gayar produi i sorte dann noute kuizine si tèlman i vo pa la pène alé fèr la ptite boush. I tranbe pa dovan graton.

Mé léspri la rigolade i pèrde pa son droi si tèlman ké pou plézanté lé pa rar in l’invité i déklar sak mwin la marke an-o la. Antouléka, sa sé in kozman, mi antan dopi étan pti é mwin lé toultan kontan antande ali é mi kroi mwin sar touzour kontan antande sa, toultan ké mwoin sar vivan.

L’ote koté mi koné pa.

Antouléka si mwin lé fine pass l’ote koté é si mi kontourn in nyaz é mi san in bon l’odèr m’a panss toutsuite : « Néna demoune mon péi par issi ! mi kal la mèm. »

Justin